#Hack4history: Беларускіх гісторыкаў запрашаюць на першы міжнародны гістарычны хакатон

18-20 кастрычніка ў Мінскім міжнародным адукацыйным цэнтры імя Ёханэса Рау (IBB Мінск) упершыню пройдзе міжнародны гістарычны хакатон # Hack4history.

 

Першы міжнародны гістарычны хакатон будзе прысвечаны сучасным тэхналогіям і IT-рашэнням ў гістарычнай адукацыі, папулярызацыя месцаў памяці і музеяў для моладзі пра Другую сусветную вайну. У #Hack4history прымуць удзел каманды з чатырох краін: Беларусі, Украіны, Расіі і Германіі.

Прыняць удзел у хакатоне запрашаюць каманды (ад 2-х да 4-х чалавек) гісторыкаў, выкладчыкаў, музейных работнікаў, прадстаўнікоў профільных НКА. У каманды могуць уваходзіць прадстаўнікі IT-сектара: праграмісты, дызайнеры, праектныя менеджэры. Галоўная ўмова - каманда павінна прапанаваць ідэю па папулярызацыі культуры памяці пра Другую сусветную вайну з дапамогай сучасных тэхналогій: прататыпы сайтаў, мабільных прылад, мультымедыйных праектаў, гульняў і інш. 

На працягу двух дзён удзельнікаў #Hack4history будуць кансультаваць эксперты ў галіне дызайну, PR-менеджменту і праграмавання. Сумесна са спецыялістамі камандам трэба будзе распрацаваць прататыпы адукацыйных IT-праектаў на тэму Другой сусветнай вайны і прадставіць іх журы. Тры лепшыя праекты атрымаюць фінансаванне на дапрацоўку канцэпцый да паўнавартасных прадуктаў - па 3.000 еўра на экспертную падтрымку. З кастрычніка па сакавік пераможцы будуць працаваць з экспертамі, а гатовыя праекты прадставяць на Форуме ў Мінску ў сакавіку 2020 года.

Для ўдзелу ў хакатоне камандам неабходна запоўніць заяўку да 1 кастрычніка 2019 года.

Падрабязнасці і рэгістрацыя - http://project1636223.tilda.ws/

 

Па ўсім дадатковым пытанням звяртайцеся на e-mail: historischebildung@gmail.com АЛЬБО korsak@ibb.by

Арганізатарамі Хакатона выступаюць Міжнародны адукацыйны цэнтр у Дортмундзе (IBB Dortmund), Мінскі міжнародны адукацыйны цэнтр ім. Ё. Рау (IBB Мінск) сумесна з партнёрамі і пры фінансавай падтрымцы МЗС Нямеччыны.

 

Партнёры:

Фонд развіцця Брэсцкай крэпасці (Беларусь)

Фонд «Холокост» (Россия);

Украінская асацыяцыя вуснай гісторыі (Украіна).

#civilsocietycooperation

Фотографии: